CLXXV.

1340, Juni 24. Kromau (Mährisch-).

Berthold von Lypa, Propst von Wyschehrad, stellt mit Zustimmung seines Bruders Zchenco, dem Kloster mehrere Güter bei Goldenstein zurück.

In nomine domini amen. Nos Bertoldus de Lypa dei gratia Wischegradensis prepositus, cancellarius et summus marscaleus regni bohemie ad universorum notitiam tam presentium, quam futurorum tenore presentium volumus perpetuo devenire, quod, cupientes attentis affectibus nostris progenitoribus et nobis totique posteritati nostre testamentum salutiferum atque memoriam in remedium animarum nostrarum facere et relinquere sempiternam, sic ut deo digno famulatu ecclesiarum hic et in futuro participari suffragante divina clementia valeamus, religiosis ac devotis viris fratribus, domino Sighardo abbati et conventui monasterii in Camencz, ordinis Cisterciensis Vratislaviensis dyocesis bona quedam prope Goldinstein coram nobis inpetita per eos propter donacionem per dominum Johannem dictum Wustehube olim eis factam eiusdem castri possessorem, oppidum videlicet quoddam dictum Golteke et omnes has villas ad ipsum ab antiquo spectantes: Niclausdorf, Stobensyfen, Wynrebe, Cuncindorf, Spilix, Craftisdorf, Syfridsdorf, Walthersdorf utrumque Woycechsdorf, secundum, quod hee ville quondam fuerunt vel erunt forsitan in futuro in suis terminis, grenitiis et limitibus circumferentialiter situate, nec non cum suis agris cultis et incultis, silvis, rubetis, nemoribus, pratis, pascuis, aquis aquarumve decur­sibus, piscationibus, piscinis, molendinis, venationibus, aucupationibus, censibus, utilitatibus, proventibus, usibus, usifructibus, affictibus, emolimentis, silvis etiam aliis adiectis a predictis . . maximis et copiosis distinctis in suis gradibus et grenitiis plenius et expresse secundum suarum continentiam originalium litterarum, aurifodiis et mineris cuiuscumque metalli repertis aut futuris temporibus reperiendis, iure etiam patronatus ecclesiarum cum omni dominio, et supremo om­nium causarum iudicio in iisdem bonis per abbatem . . qui pro tempore fuerit, aut suum advocatum vel vlodarium exercendo sive ille sagwinis sive pecunie respiciant talionem, vel que de iure merentur sententia capitali puniri, ac aliis pertinentiis, quocumque censeantur nomine vel in quibuscunque rebus consistant, et specialiter omni eo iure, proprietate ac dominio, quo predecessores nostri ea bona habuerunt et nos hucusque habuimus aut habere possemus in futurum, de unanimi et consentanea fratris nostri Zehenconis voluntate reddimus pure et simpli­citer propter deum. Et si quid iuris dic(t)ionis ad ea habere dinoscimur emptionis seu hereditarie successionis titulo, totum adicientes predictis fratribus ob remedium anime nostre testamenti nomine ex nunc liberaliter damus, conferimus et donamus absque omni censu et sine servitio quolibet nobis et nostris successoribus exhibendis sive in exactionibus, angariis aut perangariis, seu quo­cumque nomine nuncupentur, iure hereditario et in perpetuum libere possidenda; ita quod ipsi aut sui quilibet successores nullum respectum habeant quoquomodo ad quemquam hominum in servitio aliquali; sed de eisdem tanquam de re propria sive hereditaria gaudere, ordinare et disponere possint et valeant, quidquid eorum placuerit voluntati, promittentes bona et sincera fide nullo unquam tempore de iure vel de facto seu alio quovis modo aut aliquo iuris auxilio contra huiusmodi redditionem et nostram largam donationem venire vel facere, per quod vel per que ipsi fratres monasterii predicti in premissis omnibus et singulis per nos heredes et successores nostros ac officiales, qui sunt vel qui pro tempore fuerint, seu quoslibet alios, quorum interest vel interesse poterit, possint vel valeant aliquibus inpetitionibus, iniuriis vel violentiis inpediri, volentes nichilominus ex speciali favoris gratia predictos fratres in hac libertate fideliter conser­vare ac ipsos contra molestatores quoslibet pro viribus defensare, ut ipsi ex maiori debito pro­genitorum nostrorum et nostri sint memores in suis orationibus apud deum. In cuius rei testi­monium et robur perpetuo valiturum presentes fieri et sigillo nostro maiori duximus conmuniri. Datum Chrumnow in die beati Johannis bapiste anno domini millesimo trecentesimo quadragesimo presentibus hiis baronibus dominis: videlicet Jescone de Crawarn, Heynemanno de Nachodn, Jescone de Boskowicz, Alberto de Rysinburch, Heinrico de Hugewicz, Conrado Bavaro, Heinrico de Kowfung, Swatibor, Prsideborio, Heynecone de Bludow, Epykone de Hratka, Petro et Franczcone notariis et aliis multis fide dignis.

Or. Perg. in zwei Ausfertigungen. An grünrosaseidener Schnur hängt bei A., und an rothgelber Seidenschnur bei B. hängt das roh ausgeführte S. des Propstes in rothem Wachs mit kleinem Rücksiegel. Gedruckt im Cod. d. Morav. VII. S. 200.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.